प्रधानमन्त्री बालेन शाह निकटका भुपदेव शाह, सुनिल लम्साल, सुधन गुरुङले केन्द्रीय सदस्यमा उमेदवारी नदिएको पाइएको छ । रास्वपा निर्वाचन आयोगले केन्द्रीय सदस्यका निम्ति ३८४ उमेदवारको प्रारम्भिक नामावली सार्वजनिक गर्दा सो प्रारम्भिक सूचीमा प्रधानमन्त्री बालेन निकटका मन्त्रीद्धय सुधन र सुनिलका अलवा भुपदेव शाहले उमेद्धारी दिएका छैनन् ।
रास्वपाले सार्वजनिक गरेको उम्मेदवारी दिएकाहरूको प्रारम्भिक सूचीमा केन्द्रीय सदस्यका उम्मेदवारीको सूचीमा ३ सय ८४ जनाको नाम रहेको छ ।

सो सूचीमा प्रमुख राजनीतिक सल्लाहकार असिम साह, नीति, प्रशासन तथा सुशासन सल्लाहकार सुदीप ढकाल र स्वकीय उपसचिव प्रकृति ढकालले उम्मेदवारी दर्ता गरेका छन् । राजनीतिक सल्लाहकार साहले खुल्ला मुस्लिम समावेशी क्लस्टरतर्फबाट उम्मेदवारी दिएका छन् । उनी रास्वपाका पूर्वसमानुपातिक सांसद पनि हुन् । सुदीपले खुला क्लष्टरबाट र हाल प्रधानमन्त्री तथा मन्त्रिपरिषद्को कार्यालयमा स्वकीय उपसचिवका रूपमा कार्यरत प्रकृतिले पनि खुलाबाटै केन्द्रीय सदस्यमा उम्मेदवारी दर्ता गराएका छन् ।